哇哇哇，嚇死人啦！！！

尋日老細經過一個星期公幹終於番到辦公室，分發萬眾期待0既升職加人工信。

單對單0既個人場之前，係大家一齊聽聽今年加薪0既大趨勢。

話說今年竟分然兩部分，分別係：市場調整及個人表現/升職。

我被分配到第一個個人場得獎者，所以，完全無心理準備。。。

入到老細房，坐都未坐定，老細就同我講我的市場調整部分有XX%，我聽到已經嚇0左一跳，緊跟住係個人表現及升職，今年我升職，於是加加埋埋又有YY%，我只能夠同我老細講，你嚇死我啦！！！

七年無點加過，突然一次過好似加番0甘多年0既份，嚇得我呀！

仲要喔，我今年二月先至正式回到呢個department，剛好趕得及今次0既一次過市場調整！！！

第一句沖入腦0既說話，就係：忍耐到底，必然得救！（馬太福音24：13 ）
（當然，呢句聖經梗係被我斷章取義啦，一點都不值得效法呀下，留意留意！）

天上0既老細兼老豆，0係我困難思退時，硬係令我走唔到，原來結果係0甘。
（拿拿，各位弟兄姊妹，唔好隨便引用我呢句說話呀。最緊要留意自己走唔到0既同時，你有無認真去搵工，又有無無怨無悔，不發怨言0甘挨落去呀下。。。）

所以，難道天上的倉庫真的沒有為我而開嗎？

當然，即或不然（就算無這一次0既事件），老豆，我信你仍然係掌管昨日、今日、明日0既神。

認真0既：父神，感謝你一直以來對我的教導、看顧！